[23. Oktober 1571] Die 23. Octobris facultati ab excelso regimine nomine caesareae majestatis mandatum est, ut a Josephe Ottholango, qui novam quandam olei inventionem jactitabat, rationes istius praeparationis sumat, excelsumque regimen rursus certiorem reddat, an oleum illud viribus integrum et ad usus quotidianos adhiberi possit.

Ad hoc mandatum Josephus Ottholango a facultate vocatus, ut specimen suae artis d. doctoribus praesentibus exhiberet, non comparuit. Nihilominus tamen congregatio d. doctorum facta est et excelso regimini responsum datum, quod is non comparuerit.