Universitätsarchiv Wien, UAW Cod. Med 1.4 AFM 1558-1605
[13. Juni 1575] 13. convocata facultate secundario perlecta et approbata acta prioris decani, reclamante solo D. Cornario de una vel altera voce sibi adversa.
Praesentatus facultati est Georgius Polanus adolescens annorum 15 plus minus literis senatus Oppaviani in stipendium D. Francisci examinatus obiter, adprobatus et receptus est a facultate.
Petiit Joannes Sporisch admitti ad examen doctorale; obtinuit omnibus consentientibus, ut uno vel altero doctore comite juxta statuta cancellarium roget de die denominando cancellariae aperiendae pro punctis examini adsignandis.
Propositum item negotium apotecariorum cum Viennensibus atque deliberatum eodem modo perque eosdem tractandum uti prius, nempe ut omnibus necessariis rescriptis instructi consilium ingrediantur priores commissarii, decanus, D. Casparus, Fabricius, Paulus; reliqui vero domini doctores foris expectent ad deliberationes dubias.
- Acta Facultatis Medicae Universitatis Vindobonensis Vol. 4, Leopold Senfelder, 1908
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
