[29. September 1575] Remisit D. Chrysaeus copiam illam, ut quae placeret satis. Quare expedita est per notarium publicum 18. Octobris sub decano sequente. [fol. 225v]

Accepta:

Junii 9. pro inscriptione Benedicti Perger studiosi 2 sol.;

23. a Joanne Sporisch examinato ad facultatem 3 flor.; pro examinatoribus 12 flor. Summa facit: 15 flor. 2 sol.

Exposita:

Aprilis 22 pro theca lignea sceptri 4 sol.;

25. pro theca obducenda corio suillo ipsi pedello 1 flor.;

27. pro manubriis ferreis cistae vetustioris 1 sol. 18 num.;

Junii 21. notario pro duobus scriptis rescribendis causa apotecariorum 6 sol.;

23. eidem pro altero scripto ad regimen 3 sol.;

Julii 2. examinatoribus 11 singulis datus 1 flor. facit 11 flor.;

Augusti 24. pro duabus supplicationibus D. Cornarii decribendis 2 sol. 12 num.; Septembris 14. pedello salarium consuetum juxta quittantiam 2 flor. 2 sol. 20 num.;

17. pro manubrio sigilli 12 num.

Summa facit: 16 flor. 4 sol. 2 num.

Restant solvendi mihi; 1 flor. 2 sol. 2 num.488

[1575/ 1576]

Decanatus tertius D. Caspari Pirchpach Vadenhofensis, qui in die D. Colomanni absens electus.489

Ab antecessore meo accepi sceptrum in theca, duas arculas cum suis clavibus, in quibus acta, libri actorum, statutorum, dispensatorium novum etc., parva [fol. 226r] ladula in qua duae claves ad arcam facultatis in capella collegii. Tertia clavis ad arcam universitatis mihi non erat tradita. Quum literae quaedam obligatoriae ex ea arca depromendae erant ac in ladula clavem non invenirem, percontatus quidem de ea apud antecessores, at ubi esset omnes ignorabant. Eam tandem inveni apud Mag. Joannem Pampl, quam a tempore sui rectoratus habuit. Hujus clavis quilibet decanus statim ubi ei, quae ad decanatum pertinent, redduntur rationem habere debet.

In superiori decanatu mense Julio per decretum injunctum erat facultati nostrae et senatui Viennensi, ut transactionis de pharmacopolarum juramento exemplar ipsis pharmacopolis redderemus. Ipsi vero desuper informationem suam intra quindenam offerrent. Cum vero pharmacopolae tardarent, tribus decretis die 19. et 29. Octobris et 17. Novembris datis iterum nobis et Viennensibus injungitur, ut serio exigeremus. Quo facto reddunt tandem scriptum, in quo non solum a juramento facultati praestando se vindicare conantur, verum etiam omnes fere articulos ordinationis apotecariorum examinant et perstringunt.

Rationes, quibus se a juramento vindicare conabantur, libello dominis de regimine exhibito refutatae. [fol. 226v]490

Examen ipsorum judicio relinquendo. Exemplar in actis.