Universitätsarchiv Wien, UAW Cod. Med 1.4 AFM 1558-1605
[19. Dezember 1575] Die 19. examinatus est pro gradu baccalaureatus Matthias Lubanus. Qui cum apposite respondisset omnium votis est approbatus, quare statim more solito baccalaureus in arte medica creatus.
In ea congregatione proposui literas D. Joannis Sporischii ad facultatem scriptas [fol. 227r] in quibus petiit, ut ornaretur testimonio sermone latino et eleganti. Misit una exemplaria aliquot suorum poematum, quae tunc distribui. De testimonio decretum, ut daretur in aliqua forma communi. Hunc quidem laborem in me suscepissem, sed quoniam gravioribus facultatis negotiis tandem obrutus praestare non potui, quare succesori id commendo.
Wilhelmum Arragosium Gallum per D. Aicholczium, cui tum erat concurrentia cum eo, compellavi de suo privilegio hic practicandi, quod mihi non exhibuit, quemadmodum hoc successori meo indicavi, ut hac in re ipse pergeret.
- Acta Facultatis Medicae Universitatis Vindobonensis Vol. 4, Leopold Senfelder, 1908
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
