[20. Dezember 1580] Tertia congregatio 20. Decembris. Primo Leonhardus Schueller lythotomus depositis juxta sententiam facultatis suis literis testimonialibus disciplinae, artis suae et experientiae petivit ad examen admitti, sed D. D. Benjamin proponens literas praedicti Schueller, litera S. notatas, de quibus conquestus est, se falso ab eo insimulatum esse, de suppressione votorum, ipsumque pluralitate votorum admissum esse, dominum doctorem impedimento tantum esse, quo minus examinaretur, quod illi exprobratum fuit et injunctum, ut delatorem denominet, a quo illud habuit. Respondit, se a nullo doctore habere sed Joannem Pistorium in bursa Haydenhainn ex permissu pedelli scriptum decani d. doctoribus transferentis vota dominorum legisse sibique significasse, quod pluralitate votorum ad examen admissus esset. Hoc autem negotium ob absentiam pedelli, a quo potuit haberi melior informatio in aliam congregationem rejectum est, ut post ferias revertatur.

Facultas literas Schuellero restituit. [fol. 263v]

Ultimo Christophorus Raap pharmacopeus per me a facultate petivit informari, quando Mithridatium agitari debeat. Placuit facultati ut singulis 15 diebus semel agitaretur, quod factum est.