[6. September 1583] Ego vero habui congregationem in aedibus meis die 6. Septembris, in qua actum est de negotio magistri sanitatis.

In eadem magnificus atque clarissimus D. Joannes Aicholczius reddidit facultati rationes stipendii D. Francisci Emerici de anno 1583, quas approbavit.

Sunt autem istae:

Remanentia superioris anni 13 flor. 2 sol. 18 num.

Primo Januarii consus Viennensis senatus 50 flor.,

primo Julii census ab iisdem 50 flor.,

ultimo Decembris census eorundem 50 flor.,

eodem census a D. Fabricio 5 flor.

Summa accepti: 168 flor. 2 sol. 18 num.;

summa expositi: 90 flor.

Restat in accepto: 78 flor. 2 sol. 18 num.

Exposita:

Primo Julii tribus stipendiatis juxta oblatas eorum recognitiones 45 flor.;

ultimo Decembris iisdem juxta exhibita chyrographa 45 flor.

Summa 90 flor. [fol. 275r]

Ego tamen nihil accepi nihil exposui. Sceptrum vero, ladulas adjunctis omnibus dedi sequenti domino decano, magnifico et clarissimo D. Diomedi Cornario, cui vidua (quondam piae memoriae viri clarissimi D. Andreae Dadii conjunx) retentam apud se pecuniam solvere tenebitur.564

[1583/ 1584]

Acta secundi decanatus Diomedis Cornarii, serenissimi principis Maximiliani archiducis Austriae et aulici physici, anno Christi 1583.