[14. Oktober 1584] Die 14. Octobris barbitonsor nomine Michael Pader ad petitionem consulis examinatur in cognitione pestis et cura ejusdem chirurgica in habitatione D. D. Matthaei Judicis pro tempore magistri sanitatis per eundem D. D. Judicem et me decanum. Respondit apposite, datur ei schedula ad consulem, recipitur ad officium pro inspectore personarum infectarum.

A praecedente domino decano clarissimo viro D. D. Diomede Cornario, serenissimi ac illustrissimi principis Maximiliani archiducis Austriae physico accepi sceptrum facultatis cum fragmentis, claves, ladulas duas majores, minorem unam, libros actorum, statutorum, dispensatorium novum, vetus et novum facultatis sigillum.

Item in parata pecunia: 11 flor. 2 sol. 20 num., a duobus chirurgis examinatis 6 flor.,

a Mag. Christophoro Burger medicinae studioso inscripto 4 sol.

Perceptorum summa: 17 flor. 6 sol. 20 num.

Exposita:

Pedelli demortui Valentini Khörbers derelictae viduae Elisabetae Khörberin pro elemosina supplicanti dedi jussu inclytae [fol. 281v] facultatis medicae tenore quittantiae 1 flor. 1 sol. 10 num. Pedello moderno Joanni Pistorio tenore quittantiae semestre solarium 2 flor. 2 sol. 20 num.

Expositorum summa: 3 flor. 4 sol.

Restant adhuc: 14 flor. 2 sol. 20 num., quam pecuniarum summam cum reliquis omnibus, quia etiam pro sequenti semestri communibus d. doctorum inclytae facultatis medicae scriptis suffragiis569 in decanum reelectus sum, apud me retinui. Inde sequentis decanatus mei acta extant.

Laus deo meo semper. Amen.570

[1584/ 1585]

Acta decanatus secundi Benedicti Pergeri medicinae doctoris, xenodochii caesarei physici.