Universitätsarchiv Wien, UAW Cod. Med 1.4 AFM 1558-1605
[13. November 1589] Die XIII. Novembris theriaca per Anthonium Robizium dispensata et confecta ultra annuum tempus insolata et fermentata consensu d. doctorum facultatis ad petitionem praefati Robizii [fol. 315v] me decano et doctore etiam Mattheo Judice praesentibus aperta eique hanc pro necessitate divendendo distrahere concessum est.
[20. November 1589] Die 20. Novembris scriptum contra duos juniores pharmacopaeos Joannem Heckler ad signum aethiopis qui examinatus quidem est juramentum autem solitum praestare et quinque Rhenenses pro examine deponere recusavit et Georgium Zertbitz ad signum regis qui homo fastuosus elatus et superbus ut est ita nec examinari pecuniam debitam deponere nec juramentum praestare vult consuli et Viennensi senatui nomine facultatis a d. doctoribus revisum correctum et approbatum tradidi.
Misi etiam facultatis nomine praedicto domino consuli hoc ipso tempore alia quaedam contra circumforaneos quosdam quorum non exiguus erat numerus publice in foro nescio quae adulterata et sine ratione confecta medicamenta proclamantes et dividentes per universitatis pedellum scripta.
- Acta Facultatis Medicae Universitatis Vindobonensis Vol. 4, Leopold Senfelder, 1908
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
