[2. Dezember 1591] II. Decembris Joannes Schwartz apotecarius ad signum albi angeli in sua arte petiit examinari. Sed cum terminum disciplinae suae utpote sexennium integrum quemadmodum habet apotecariorum nova reformatio nondum complevisset (compleverat enim tres saltem annos et quatuor menses) domini examinatores cum illo dispensarunt hac potissimum ratione moti quod post imperfectum completionis tempus vitrico suo Sebastiano Götz pie defuncto in dispensandis et componendis medicamentis per sat longum temporis spatium sedulam navarit operam. Exhibitis itaque literis duntaxat pro tempore disciplinae tandem supra denominato die 2. videlicet Decembris apud visitatorem D. D. Diomedem Cornarium ad examen est admissus. Examinatores ejus erant duo domini doctores ex nostro medio nimirum D. Benedictus Perger et D. Antonius Binellus. Visitator ex pharmacopoeis aderat Antonius Robitz. Examinatores ex pharmacopoeis Wolffgangus Grysaeus et Poppo Müeller.

Christophorus Huetstocker visitator ex senatu Viennensi aberat; causa vero emansionis quae fuerit ignoro.

Respondit autem praedictus Joannes Schwarte mediocriter sed cum adhuc esset juvenis et domini examinatores et visitatores bonam de illo spem conciperent tandem praemissa gravi admodum vitae transactae objurgatione dignus judicatus est qui artem pharmacopoei publice exerceret. Numeravit post examen 5 flor. Rhen. composuit in650 officina Rowitzii651 electuarium lenitivum syrupum de liquiritia unguentum pomada vocatum et emplastrum de meliloto. [fol. 335r] Juramentum apotecariorum solitum nondum praestitit.