[24. Juli 1664] VI. congregatio XXIV. Julii. Wolfgangus Joannes Reuter med. stud.

iterum solicitat pro stipendio Emericano et accepit.

N. Nabroth med. stud. petit materiam pro baccalaureatu. Responsum cum

recenter pro exercitio disputaverit ut expectet minimum per medium annum

priusquam disputet; interea tamen ei licitum esto materiam a dom. professore

petere.

Motum quid nam faciendum ratione Winterl qui est idiota agyrta homo insuper

adulterae et pessimae vitae ut et notissimus homicida in plures. [fol. 321 r]

Desuper tamen acquisivit privilegium caesareum publice practicandi. Conclusit

facultas an in hoc privilegio imperator manu propria sit subscriptus et quod tunc nil

amplius tentari possit eo quod sua majestas nunquam sit revocatura suum verbum

et manum (NB quanquam similia quae per sinistram informationem facta sunt per

dextram facultatis demonstrationem saepe saepius in aula subversa fuerint). Post

diligentem autem inquisitionem hujus Winterl privilegii inventum est manu propria

subscriptum esse.

Ratione Billotto conclusit facultas cum contra nostra privilegia practicet neque

privilegio aulico gaudeat ut nullus imposterum ex facultatis commembris sub

mulcta 12 imper. in consiliis medicis cum ipso concurrat.

Dom. D. Ludwig hoc non obstante improviso cum praefato Billotto concurrebat

propterea ipsi missum decretum ut mulctam persolvat.