[3. September 1676] VII. congregatio 3. Septembris. Dom. D. Paulus Franciscus

Stuche ad sessionem fuit admissus postquam professionem fidei apud

cancellarium deposuisset.

Citavi circumforaneum Buttler cui cum venditiones hebdomatarias prohibuissem

ipsumque ex equo per socios pharmaceuticos in sumno foro declamantem

dejecissem et merces nugatorias aufferri curassem rectorem juristam accessit ac

licentiam vendendi merces rogavit. Proindeque in foro ollario auff dem

Haffenmarck, publice proclamavit decanum non amplius ipsius esse dominum sed

rectorem. Hac ratione factus perjurus secundo litem instituit testimonium

laceratum dixit merces destructas protulit et sic 100 duc. pro damno a facultate et

decano petiit. [fol. 398v]

Hac lite pendente citatus Buttler cum suo advocato D. Bischoff comparuit. Hunc

cum interrogarem ubinam testimonium sit quod sibi laceratum dicit respondit dom.

D. Rechperger habere ergo mentitus. Secundo cur fiat perjurus cum decanum et

facultatem pro suo domino agnoscere nolit. Respondit se esse hominem

simplicem ideoque ad hoc respondere non posse. Tertio dixi nomine facultatis ut

propter juramentum violatum et mendacia prolata mulctam 20 imp. deponat.

Ad hoc sese resolvere non posse et sic cum sua querela apud consistorium pergit

et satisfactionem petit.

Supplicavit dom. Balthasarus Aloysius Aichinger med. stud. pro meliori stipendio et

impetravit.

Rogavit ad examen baccalaureatus admitti dom. Joannes Losser cum hac tamen

reserva ut de collatione et juribus aliquid condonetur. Responsum accepit de

juribus nil remittendum collationem vero paret pro posse. Hac sententia lata

ulterius examen non ursit.

Etiamsi negotium Lincense strenue urserit advocatus noster D. Mayr nihilominus

tamen ultimatam resolutionem impetrare non potest eo quod dom. secretariis et

aliis actoribus officialibus nullum honorarium fuerit oblatum. Conclusit facultas ut

litteras certificatorias Lincium mitterem et 50 imper. nomine facultatis promitterem

quamprimum sententia definitiva pro facultate nostra fuerit lata.

Dom. secretariis et aliis oblatio nostra placuit.

Margaretha Wienassbergerin vidua rogavit ut quoddam oleum approbarem et

vendendi licentiam darem. Absolute negativam dedi et non rediit.