[29. November 1676] Die 29. Novembris fuit praesentata Anna Ursula Wagnerin

per obstetricem Elisabetham Neuholdin pro inscriptione. [fol. 400v]

Dom. Daniel Müller ad insigne aethiopis rogavit ut facultas tandem de confectione

Mithridatica et theriacali perfecta mandare dignetur ut sigilla deponantur et usui

publico haec confectio relinquatur. Annuit facultas.

Interea omnes apotecarii et materialistae fuerunt visitati. Memoranda: Primo quod

rev. dom universitatis cancellarius facultatem honorarit cum mihi procancellario

jam ante declarato licentiam dederit ut duo dom. D. Racher et Philippo

juramentum fidei de immaculata conceptione in aedibus meis cum consuetis

ceremoniis deponant quod 28. Novembris factum fuit.

Secundo quod propter severitatem agyrtis hoc anno monstratam nullus toto

tempore tam intra tam extra urbis moenia (exceptis nundinis universalibus)

comparuerit et in foro declamare auditus fuerit.

Tertio lamentabiliter memorandum quod imperatrix Claudia Felicita Tyrolis die 8.

Aprilis mane hora 6. obdormiverit in domino. Hujus cadaver cum toto clero et

rectore cum 4 decanis in habitu lugubri incedentibus die 11. vesperi hora 8. ad

templum patrum Dominicanorum fuittransportatum.

Quarto dom. rector Michael Bechtolt die 21. Aprilis mundo valedixit et cum comitatu

totius universitatis sepultus fuit die 23. Aprilis praecedente dom. cancellario et

superintendente caesareo. Hinc sequuntur 4 decani post hos omnium facultatum

doctores. [fol. 401 r]

Accepta: Ab antecessore 773 flor., ad Lincensem negotium promovendum

transmisi 50 flor. et 40 flor., restant 683 flor. Ab examinibus 22 flor. 30 cruc.

inscriptionibus 3 flor. repetitionibus 18 flor., pro sessione 12 flor., mulcta D.

Rechperger 6 flor., mulcta obstetricis 4 flor., interesse ab aurea corona 30 flor., a

pedello 12 flor. Summa: 109 flor. [fol. 401 v]

Exposita: Typographo 5 flor., tubicinibus 2 flor. 30 cruc, pro musica 7 flor. 30

cruc, sacerdotibus 1 flor. 30 cruc, aedituo 45 cruc, pro sacharatis 37 flor. 30

cruc, pane butyraceo 2 flor., pro utensilibus pedelli 7 flor. 2 cruc, salarium 9 flor.,

advocato 10 flor., sollicitatori ejus 1 flor. 21 cruc, pro litteris transmittendis et

redimendis Lincium Pragam, Radisbonam et alio 6 flor. 33 cruc, pro privilegiis

fidimandis Lincium missis 3 flor., pro descriptione privilegiorum 1 flor. 30 cruc, pro

fidimus des Verlasses contra agyrtas 30 cruc, pro decretis et litteris 3 flor. pro

juribus cancellariae contra Buttlerum 30 cruc, pro vino Hispanico 13 flor. 30 cruc.

Summa: 114 flor. 41 cruc.

Remanent mihi 5 flor. 41 cruc, quos lubens remitto.

Recte faciendo neminem timeas.

Joannes Conradus Kremer phil. et med. dr. institutionum prof. prim. m. p. [fol.

403r]168

[1676/1677]

Acta decanatus Wolfgangi Plöckner phil. et med. dr. nec non statuum inferioris Austriae protomedici electi 1. Decembris 1676 sub rectoratu domini Francisci Ganser phil. et med. dr.