Universitätsarchiv Wien, UAW Cod. Med 1.5 AFM 1605-1676
[28. Juli 1612] Vigesimo octavo Julii in D. D. Piselli Piripachii et Rechpergeri praesentia privatam domi celebrabam congregationem agens ex diametro contra Bartholomaeum Waltmannum artis pharmaceuticae civilem magistrum in inclytae medicae facultatis statuta et propriam apothecariorum legem peccantem externis videlicet practicantibus medicis parando receptas.
Conclusio: officinam hominis claudi per pedelum mox oportere unanimiter conclusum fuit. Statuere legem bonum est servare legem melius est. Hoc enim pacto propriae studetur authoritati et communi omnium bono. Hujus decreti nulla per pedellum facta fuit executio clementior enim facta facultas pepercit sic et a mulcta merito poscenda eum immunem fecit facultas. Principis obstandum. Widemanno pseudomedico maxima tunc coram inclyta facultate cum comminatione impostura et agyrtia interdicta fuit. Ad iracundiam et impatientiam delapsus velut delirus abivit.
Eadem die reperibiles omnes in urbe pseudomedicos sic et extra moenia circumforaneos serio per pedellum nomine inclytae facultatis ad me vocari
feceram a cunctis suis nugis fraudibusque sub carcerali poena desistere jubendos.
- Acta Facultatis Medicae Universitatis Vindobonensis Vol. 5, Leopold Senfelder, 1910
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
