[14. Oktober 1612] Decimo quarto Octobris in Pagani recarcerandi gratiam nonam

instituere cogitabam congregationem qua celebrata conclusit inclyta facultas

omnino lictoribus repetendum esse ad carceres.

Ad Eliae Halphamis instantiam in venerabili consistorio quod attinet cum facultatis

privilegiorum ostensione per literas venerabili consistorio vicissim respondendum

esse conclusit facultas.

Iterum ac iterum in Soldini contumaciam solenniter conclusit facultas ut propter

externorum medicorum paratas non parandas receptas sibi quam primum

occluderetur facultatisque majori sigilo subsignaretur officina. An vero cum

occlusuro ejus officinam subsignaturoque universitatis ordinario pedelo tota facultas

in ejus protectionem una ire deberet an tantummodo duo decano spectabili

facultatis doctores adjungi deberent disceptatum in utramque partem fuit.

Tandem consideratis omnium datis votis firmiter statutum fuit pedellum facultatis

nomine cum majori ejus sigillo eo loci mittendum esse quod et mox factum. Prima

vice absque effectu mandati rediit non enim medicae facultati inquiebat nisi quoad

artem sed civili magistratui se subjectum.

Verum quid secunda vice urgendo in negotio advenienti pedello absque officinae

clausura daret responsi (quia periculum in mora fuit) Raitterum consultum adierat

quo instructore edoctus secundo occlusuro acceleranti pedelo dixerat: Nos omnes

civiles apotecarios externorum prohibitorum medicorum Haebreorum exceptis

praesertim vero domini Roreri et Judicis unanimiter parare receptas insinuare volens

omnium officinas praecludendas esse.

De Rosiani apotecari in parandis dominorum doctorum praescriptis receptis supina

negligentia magnopere quaestus hac congregatione fui. Quem ad proximam

celebrandam congregationem per pedelum citandum serio esse ipsique

exprobrandum conclusit facultas.

In praenominatos illicitos non privilegiatos externos medicos iterum serio

unanimiter statuit facultas eos apud magnificum dominum rectorem et venerabile

consistorium vel maximo inobedientiae arguendos [fol. 50v] accusandosque

contumaciae quippe quod toties paterne commonefacti ab illegitima praxi non

desistant.

In omnes circumforaneos post tot in se factas adhortationes conclusit facultas

tolendos omnino esse per lictores omnes.