[23. Juni 1605] Die mensis Junii 23. Inclytae facultatis nostrae dominis doctoribus praesentationem Leonhardi Schröpfen Balneatoris, opera seniorum artis [fol. 1v] suae magistros pro admissione ad solitum balneatorum examen factam petitionemque ipsius scriptam una tum natalitiis tum artis seu disciplinae literis transmissis insinuavi, utpote futuri in Wolzeil balnei magistri. In cujus petitionem praestitis praestandis, inclyta facultas benigne consensit.

Per quatuor itaque artis suae magistros 28. die mensis Junii is ipse Leonhardus, praesentibus D. D. Paulo Perckhofero, Martino Cuttigio, Tobia Piripachio et Joanne Adamo denuo mihi ad examen praesentatus et examinatus est. Respondit caeteris paribus bene, praestitit juramentum solitum, confecit emplastrum oxycroceum et unguentum apostolorum, solvit facultati 3 flor., pedello universitatis suum. Scripto hisce diebus a dominis doctoribus collegii nostri peti, duos a nostro gremio deputari doctores, qui privilegiis aliisque facultatis actis pro tempore extantibus rite compositis inque ordinem redactis, cystae seu arcae noviter comparatae imponerent. Annuit facultas, D. D. Tobiam Piripachium et Conradum et Colmannum denominando, qui causam sibi commissam me praesente diligenter expediverunt et cathalogum A confecerunt.