Universitätsarchiv Wien, UAW Cod. Med 1.5 AFM 1605-1676
[31. Jänner 1606] V. congregatio. Die 31. Januarii conclusit inclyta facultas, ut omnia scripta per pedellum a decano ad omnes et singulos de collegio nostro doctores missa, qualiacunque illa sint, clausa tunc temporis decano remittantur. Hac insuper congregatione placuit inclytae facultati, ut excellentissimus D. D. Thobias Pierbachius nomine facultatis scriptum quoddam germanico conciperet idiomate, et eodem quarti articuli explicationem peteret, causas et rationes motivas et
20
Am linken Seitenrand: „Nota bene".
argumenta, ob quae privilegia nostra a sua majestate confirmari petimus, prout a venerabili consistorio petita fuerunt, ordinatis a venerabili consistorio commissariis, partim ex statutis, partim quoque ex ipsimet privilegiis explicaret, quod et factum fuit. Hoc eodem die venerabile consistorium a facultate nostra informationem petiit, utrum D. D. Scarmilionio professura sua ad finem anni asservari debeat, sicuti literis suis petiit, conclusit inclyta facultas, hoc nulla ratione illi denegari posse nec debere, siquidem exempla similia in promptu habeantur. [fol. 8v]
Hac eadem congregatione obtulerunt stipendii Emericani alumni inclytae facultati supplicationem, qua sibi stipendia sua augeri humillime petebant. Facultas illorum supplicationi annuit, conclusitque ut singulis augariis illis praeter stipendium ordinarium 3 flor. a stipendii Emericani dominis superintendentibus solvantur et ut hoc fiat ad placitum ejusdem facultatis.
- Acta Facultatis Medicae Universitatis Vindobonensis Vol. 5, Leopold Senfelder, 1910
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
