[30. April 1616] I. congregatio XXX. Aprilis. Angelus Mercatus Italus serenissimi archiducis Ferdinandi domini nostri clementissimi et trium provinciarum Styriae, Carinthiae et Carniolae constitutus lithotomus herniarum sector et oculista artem suam in hac urbe libere exercendi licentiam petiit et libello supplici hoc inscriptum est responsum:

Weilen auss fürgebrachten schruftlichen Urkhunden erscheinet, dass Herr Supplicant von der furstl. Durchl. H. H. Ferdinanden Ertzherzogen zue Österreich auch dreyen löblichen Landtschaften als Steyer, Carndt und Crain für ein Stein-und Bruchschneider auch Augenartz angenomen undt mit besoldung bestaltt ist, darneben auch auf ofnen Märkhen Artzney zu verkhaufen oder andre so woll äusser- als innerliche Khrankheiten zu curiern nicht unverstehet, hatt Ihme die Löbliche Factultet medicorum alhie, nachdem er das gewönliche iurament gelaistet hatt, kraft Ihrer habenden privilegien obvermelte seine khunst berurtermassen frei zu üben undt zu publicirn erlaubt. Ex congregatione 30. Aprilis A° 1616.

Dominus etc. D. Sigismundus Geisler cum animadvertisset quod colegii medici authoritati non parum obstaret, sceptrum argenteum antiquum, quod in actibus solemnibus publicisque processionibus praeferri consuerit siquidem id in ladula servatum testatur quemadmodum adeo fuit exile et male formatum ut cum reliquarum facultatum praesertim artisticae sceptris nullam quasi proportionem haberet ne diutius medicum collegium in quo semper non minus quam in reliquis collegiis praestantissimi viri floruerunt hac in re caeteris cedere cogeretur nullo non dico flagitante aut urgente sed ne monente quidem nullius etiam qui in hac vel reliquis collegiis simile quid praestitisset exemplo inductus sed proprio penitus motu et mera erga collegium suosque collegas benevolentia excitatus praeclarum et insigne sceptrum ex puro argento a fabre elaboratum totumque [fol. 74v] valide inauratum suo solius aere absque ulla ullius contributione fieri fecit et collegio toti liberalissime dono dedit.

Quo accepto non quidem quas tam liberale et exoptatissimum munus promereret sed quas pro mea tennuitate verbis exprimere potui tum totius colegi tum meo etiam nomino gratias egi certo mihi persuadens totam nostram postoritatem hoc singulare et praeclarum ipsius factum quoque collegium hoc sartum tectumque (quod dicitur) praestiterit grato semper animo agnosciturum et dignis laudibus celebraturum. Utrum vero clarissimus dominus doctor in multos annos bene ac feliciter vivat quantum ornamenti collegio nostro ex ipsius liberalissimo dono accesserit diutissime videat dictaeque nostrae facultatis sicuti etiam totius

universitatis gubernacula quam saepissime teneat et quemadmodum jam ante ita

etiam in posterum pro sua prudentia felicissime regat ex animo cordeque sincero

opto precorque!

Sceptrum hoc pendet XI. marcas argenti Viennensibus probati et 21. ducatis

Ungaricis deauratum est.

Cum circa finem decanatus D. D. Halffteri magnificus dominus rector et venerabile

consistorium de iis quae facultas tum in suis tum et in totius universitatis statutis et

consuetudinibus informanda judicaret informari petiisset negotium hoc in praesens

semestre fuit rejectum. Quare facultas commonefacta D. D. Geislero, Colmanno et

mihi decano hujusmodi considerationem demandavit ita ut nostrum judicium

facultati exponeremus. Quia vero totum reformationis negotium per hoc semestre

suspensum mansit nihil a nobis est actum.

Recitatae sunt literae reverendi officialis curiae episcopalis Viennensis petentis

inspectionem et judicium facultatis in causa matrimoniali accusante uxore maritum

de impotentia et virginitatem suam asserenti. Commisit facultas inspectionem et

deliberationem D. D. Geislero, Colmanno et mihi.

Proposui quatuor libellos supplices Huberti Tossani resignantis stipendium petentis

testimonium studiorum Mag. Theodori Everdinck ambientis locum in stipendio

Emericano vacantem Thomae Wenzeslai qui in officina Rappiana pluribus annis

provisoris munere fuit perfunctus ideoque suae peritiae et fidelitatis testimonium

petiit. [fol. 75r]

In omnium petitiones facultas benigne consensit.

D. D. Casparus Jesckius ex Italia reversus scripto et oretenus in facultatem recipi

pecuniao vero dominis doctoribus pro repetitionis actu numerari solitae dilationem

in semestre petiit. Viso et approbato doctoratus testimonio utrumque ejus

petitionem facultas benigne admisit; 35. sect. II. pro repetitione disputandus aphor.

est sorto assignatus.