[18. Oktober 1616] VII. congregatio XVIII. Octobris. Cum Viennenses a dominis

commissariis ab excelso regimine deputatis ad instantiam meam bis per regiminis

viatorem citati non comparuissent num commissio ulterius sollicitanda an vero

quiscendum sit quaesivi.

Decrevit facultas ut futurus dominus decanus negotium hoc perficere studeret cui

propterea omnia acta tradidi.

Cum de medicamentis in appendice consignatis alia adhuc dubia essent ea

dominis doctoribus determinanda proposui quae etiam determinata fuerunt sicuti in

appendice est videre.

Cum in aerario facultatis pro celebrando officio defunctorum sufficientes quidem

essent sumptus sed olim ut singuli doctores ad id peragendum pro aequali et rata

portione decretum esset aliqui vero meorum praecessorum ex aerario

satisfecissent quid mihi faciendum esset determinari petii. Conclusit facultas ut

quando sufficientes sint in aerario pecuniae ex illis sumptus pro officio defunctorum

promerentur exhausto vero aerario singuli domini doctores contribuerent.

Monui dominos doctores ut denominarent commissarium qui rationibus

universitatis recognoscendis intersit. Denominatus est D. D. Olitorius.

In festo sanctorum Cosmae et Damiani orationem pro more consueto habuit

Joannes Suevus Veltkirchensis Rhetus med. Stud. [fol. 79r]

In officio defunctorum orationem habuit funebrem potissimumque memoriam

piissime defuncti D. D. Piselli recolentem quae in fasciculo actorum extat dominus

Theodorus Everdinckh art. Et phil. Magister.

Nomen facultati dedit Mag. Joannes Petritius Ratisbonnensis Boius et Henricus

Massuca ex ducatu Luzenburgensi Mupelensis.

Accepta: A domino meo praecessore 14 flor. 2 cruc, ab actrice Euphrosina 5 flor.,

a D. D. Jesckio 6 flor. 45 cruc, a duobus balneatoribus 6 flor. Summa: 31 flor. 47

cruc.

Exposita: In festo sanctorum Cosmae et Damiani: cantori et organistae 3 flor., pro

quatuor mensuris vini Hispanici 4 flor., pro 20 Martiis panibus dupplicatis 2 flor.,

pro confectis saccharatis 3 flor., pro pane butyrato 36 cruc, pro officio

defunctorum: cantori 1 flor. 30 cruc, aedituo ratione sacrae missae 3 flor. 30 cruc,

pro cathedra collocanda in festo et in officio defunctorum 30 cruc, bajulo qui attulit

cistas 15 cruc. pedello salarium consuetum 3 flor. 45 cruc, eidem 48 cruc. Pro

describenda informatione Viennensium in causa pharmacopoeorum 1 flor. 30 cruc.

pedello pro duabus quas vocant executionibus 12 cruc, viatori regiminis pro

duabus executionibus 12 cruc, scribae D. D. Pizan, Khele 45 cruc, pro fructibus,

vino et pane butyrato exhibitis in conscriptione catalogi 1 flor., studiosis duobus qui

catalogum et appendicem descripserunt, ut D. D. Magno Pragam mitti possent 46

cruc. Summa: 27 flor. 19 cruc. Restant: 4 flor. 28 cruc.

In spe et silentio quia nondum omnium dierum sol occidit.

Tobias Piripach.77 [fol. 80r]

[1616/1617]