[29. Juli 1617] XXIX Julii petitioni Joannis Peringeri pharmacopoei qui empta

officina sub signo aureae coronae ad examen admitti petiit facultas benigne assensit

eamque ob causam dominos examinatores anno praeterito electos confirmavit.

Datis itaque fidejussoribus ratione literarum nativitaitis (disciplinae enim et servitii

literas exhibuit) ad examen admisit. Satis frigide et inepte respondit attamen cum

seria admonitione quia juvenis esset et spem melioris frugis praeberet pro artis

suae magistro declaratus fuit.

Examinatores D. D. Paulus Perckhoverus, Sigismundus Geisler; ex pharmacopoeis

domini Häringshauser et Joannes Reutter.

Praeparavit in officina domini Häringshauseri electuarium diaphenicum et pillulas

aggregativas in officina domini Reutteri syrupum diasenos et emplastrum de

meliloto. Testimonium examinis in ladula repositum exhibitis literis natalitiis a meo

domino successore accepit.

Ab excelso regimine tria accepi decreta quibus informatio de pestis grassantis statu

requirebatur. Primum K. 25. Augusti, secundum L. 9. et tertium M. vigesimo die

Septembris.

Ad singulorum deliberationem dominos doctores convocavi et ex eorum votis

sigillatim informavi sub N. 0. P.

Cum informatio caesarea lectionum philosophicarum in aliquibus immutata herum

Praga allata esset ex decreto consistorii descriptionem illius meo domino

antecessori ex consistorio transmissam ex ipsius aetis ad me recepi et a domino

notario universitatis in corrigendis correctum sub Q meo fasciculo addidi.

D. D. Maternus denuo in commissarium rationum fuit electus.

Resignavi officium decanatus mei. [fol. 86r]

Accepta: Residuum ex priori decanatu 4 flor. 28 cruc, a chirurgo 3 flor., a

pharmacopoeo 5 flor. Summa: 12 flor. 28 cruc.

Exposita: Pedello salarium 3 flor. 45 cruc, eidem ratione festi sanetorum Cosmae

et Damiani 30 cruc, bajulis cistarum 15 cruc, pro describenda informatione in causa

Alphani Hebraei 15 cruc. In festo sanctorum Cosmae et Damiani cantori et

organistae 3 flor., aedituo 15 cruc. Summa: 8 flor. Remanent solvendi: 4 flor. 28

cruc. pro quibus exhibitam volo collationem in festo sanctorum Cosmae et Damiani.

Pro celebrando anniversario mortuorum singuli domini doctores debitam stipem

contulerunt.

Orationem de sacris martyribus habuit Mag. Joannes Petritius.

Nomen facultati dedit: Jacobus Carl Stirus Austriacus.

Omnia sunt ingrata.

Tobias Piripach D. [fol. 86v]

[1617/1618]