[2. Mai 1618] Acta decanatus V. Sigismundi Geisleri med. dr. electi 2. Maii 1618 sub rectoratu domini Philippi Pitzan J. u. dr. et advocati aulici.

Quoniam conclusum erat antea ut catalogus medicamentorum et appendix noster authoritate regiminis apothecariis traderetur ob idque excelso regimini scripto supplicandum esse itaque ego concepi scriptum A quod exhibui ipsi comiti Trautsonio 12. Junii per quem res ad nutum expedita est nobisque decretum hoc sub B. in optima forma ab imperatore impetravit quo non solum petitioni nostrae satisfactum sed etiam major in apothecarios quam antea habebamus jurisdictio concessa est.