[20. Oktober 1620] Die 20. Octobris resignavi officium decanatus mei. Domini

Joannis Georgii a Buchow phil. med. et jur. Ut. doctoris doctoratus testimonia visu

et lectu postulata approbata sunt.

Duorum medicinae studiosorum supplices libeli pro obtinendo Emericano vacante

stipendiorum uno, lecti fuere veluti Michaelis Waltheri et Petri Magyri. Prioris votis

fortuna respondit. [fol. 102r] Idem Michael Waltherus stud. 18. Octobris inscribi in

facultatis librum meruit.

Percepta: Balthasar Mayr balneator dedit ducatum Gallus Am Rein barbitonsor

dedit 2 ducatos, Elias Becker cheirurgus dedit 4 ducatos, Zacharias Phandt

pharmaceuta dedit 6 flor. Summa: 28 flor. 14 cruc.

Expensae: In festo divorum Cosmae et Damiani collationis nomine expendi 7 flor.

34 cruc, aedituo 15 cruc, organi talerum integrum cantori 12 sol., pedello 4 flor.

30 cruc. Summa residui manet: 12 flor. 17 cruc.

Laus Deo optimo maximo beataeque matri Mariae semper virgini. [fol. 102v]

[1620/1621]

Acta decanatus Joannis Caspari Crafft phil. et med. dr. electi 20. Octobris 1620 sub rectoratu domini D. Sigismundi Geisleri.

Catalogum medicorum legitime in urbe medicinam facientium A. pharmacopolis transmisi simulque decreto B. dominos collegas monui ne cum ullo qui eidem non insertus est in praxi conveniret. Ita enim in ultima domini exdecani congregatione conclusum fuerat. Et quia dominus D. Judex privilegium suum eadem die mihi transmiserat quo expresse facultati mandatur a caesare ne illum in praxi impediamus eum pariter catalogo inserui.