[27. April 1621] VI. Congregatio ad 27. Aprilis. Primo domini superintendentes

Emericanae fundationis D. Rechperger et D. Golerey supplici [fol. 104v] libello

petierunt ut deputarentur commissarii qui rationes D. Pirpachii piae memoriae

revisas et approbatas omnesque res ad praedictam fundationem spectantes eis

una cum beneficio inventarii tradant. Denominati sunt D. Tossanus et D. Canobius.

Secundo produxi in congregatione libellum supplicem Y D. D. Textoris qui exhibito

authentico sui doctoratus testimonio humiliter petiit ad repetitionis actum admitti.

Orta est inter collegas controversia an augenda sit a repetentibus pecuniae solutio

quae hactenus solvi consuevit. Conclusum tandem est ut D. D. Textor non plus

solvat quam hactenus solvi consuetudo fuit cum nulla de hac re essent statuta

penes facultatem de augenda vero exactione solutionis a repetentibus in proxima

determinetur congregatione.

Secundo D. D. Textori assignatus est aphor. 13. I. sectionis.

Resignavi officium decanatus mei.

Accepta: A domino exdecano 12 flor. 17 cruc, a balneatore Sebastian Lang 3 flor.,

a D. Textore 6 flor. Summa: 21 flor. 17 cruc.

Expensa: Pedello salarium 3 flor. 45 cruc, bajulo 8 cruc, illi qui supplicem libellum

caesari tradendum descripsit 30 cruc, eidem 30 cruc. pro transsumpto privilegio

D. Judicis 30 cruc. Summa: 5 flor. 23 cruc, restant: 15 flor. 23 cruc. [fol. 105r]