[18. Dezember 1621] Decima octava Decembris D. Textor omnium votis officio

consiliarii rationum alinae universitatis donatus est.

Quidam med. stud. art. et phil. baccalaureus Erfurtensis nomine Joannes

Brauerus petivit ad facultatem adscribi.

Henricus Ferdinandus Frosius Cilcensis Silesius art. et phil. baccalaureus med.

stud. dedit nomen facultati.

Pharmacopola ad angelum album admonitus fuit per me oretenus ut a praxi illicita

abstineret.

Secunda congregatione D. D. Manageta ultro fuit monitus ut aph. assignatum

resumeret intra 8 dies. Intra id temporis theses transmisit sed quia illae nimis

prolixae videbantur auctori coarctandas votis facultatis decanus remisit.

Pharmacopola Badensis nomine Jonas Ulrich libellum supplicem obtulit pro

subeundo examine. Concessit facultas. Examinatores fuerunt D. D. Sig. Geisler, D.

Olitorius substitutus dom. senior et D. Krafft pharmacopolae dom. Joannes

Haringshauser et Schletzer. Submediocriter se gessit juravit ad manus decani.

Assignata medicamenta fuerunt syr. de jujubis elect. diaphoenicum unguentum

apostolorum, emplastrum de meliloto.

Decretum etiam fuit lectum a venerabili consistorio transmissum decano quo

studiosos Austriacae nationis admonitos volebat de dandis suis nominibus nationi

Austriacae sub privatione stipendiorum et ad eadem non admissione.

Supplicavit Leonardus Mylgiesser pro stipendio Emericano agitque gratias pro

obtenta aliqua pecuniola ex eodem stipendio. Respondit facultas altero non reverso

idem stipendium possidente se ulterius deliberaturam.