[8. November 1623] VIII. Novembris habita est congregatio in qua primo lecta sunt acta

et approbata D. D. Colmanni.

Secundo supplex libelus ad imperatorem idiomate germanico mihi traditus per D. D.

Colmannum est revisus et aliquantulum correctus. Sed postea alius libelus conceptus

latine inventione D. D. Rechperger qui facultati melius arrisit et placuit ut per me

imperatori cum brevi aliqua alocutione exhiberetur quod factum est. Imperator autem

super hoc benignam promisit resolutionem.

Tertio lectus est libelus supplex Thobiae Griell balneatoris petentis examen

chirurgicum quia quoniam confessus esset ot sacrosanctam eucharistiam juxta morem

ecclesiae catholicae percepisset ad examen est admissus et examinatus 13.

Novembris etc.

Quarto Joannes Juncker med. bacc. proposuit facultati thesos de crisibus disputandas

pro gradu licentiae consequendo petitque facultatis assensum. Consensit facultas.

Insuper etiam ad porrectum ipsius supplicem libellum 28. Octobris 1623 obtinuit anto

D. Magyrum praecedentiam post acceptum gradum. [fol. 114v]

Quinto Mag. Leonardus Mylgiesser etiam exhibuit facultati theses pro gradu

baccalaureatus. Consensit facultas.

Sexto In eadem congregatione Petrus Magyrus phil. ac med. dr. petiit ad repetitionem

admitti et facultati nostrae incorporari. Posteaquam autem legerentur literae

testimoniales doctoratus videbatur dominis doctoribus subesse aliquem errorem et

defectum ratione studii non completi.

Concludebatur tunc illum admittendum non esse donec error corrigatur quod id ipsi

insinuatum est. Denuo autem supplicavit adjunctis copiis seu vidimus suorum

testimoniorum quae cum facultati pro recognitione transmisissem ex pluralitate

votorum D. Magyrus ad repetitionem admittitur.