[17. November 1607] Die 17. Novembris transmisi per pedellum inclytae facultatis dominis doctoribus supplicem libellum Casparis Bierdempfel balneatoris instantis apud senatum Viennensem pro inspectoris mortuorum officio cum rescripto ejusdem senatus, ut a facultate prius pro more examinatus suae sufficientiae testimonium afferret. Admissus ad examen ab inclyta facultate praesentatusque mihi a tribus balneatoribus magistris, die 21. Novembris a me dominoque D. Adamo sanitatis magistro in iis, quae ad inspectionem mortuorum peste praesertim infectorum, tum ad bubonum [fol. 20r] anthracum aliorumque ulcerum malignorum dignotionem et curationem spectant, examinatus fuit eadem die. Respondit satis bene scivitque legere et scribere quamvis satis tenuiter. üedi illi simplex testimonium sufficientiae ad senatum meo sigillo et chirographo munitum. Solvit pro examine talerum integrum.