[1. August 1626] III. congregatio 1. Augusti. Petit Mag. phil. Claudius Lopinus med. bacc. praesentari vicecancelario ut aperiretur ili cancelaria ad rigorosum examen. Annuit facultas.

Petierunt domini Viennenses per scriptum ratione ilius brachi male curati D. Kilmanni a chirurgo Hauboldt [fol. 134v] informationem. Conclusit facultas huic petitionem esse

satisfaciendum et in eum finem commissarios elegit D. Geisler, D. Colmannum, D. Massucam ex chirurgis dominos Ehme et Andream Schmol ut ubi rem bene perspexerint saltem ratione illis informarent quod factum est. Lectum fuit decretum a rectore et consistorio quo facultas admonetur ut unum de novo designaret qui rationum suscipiendarum praeesset siquidem insignis defectus notatus fuerit. Placuit facultati ut rectori et consistorio referrem in hac re male esse informatos cum D. Mannagetta id onus jam ab aliquibus annis summa cum diligentia sustinuerit neque illum adhuc defuturum sustinendo. Revisum fuit decretum a rectore et consistorio cum inter alia argumenta quo facultas in scripto illo quod rector et consistorium ratione D. Adami Olitorii obtulit hoc unum etiam fuisset quod videlicet facultas in consistorio uno voto esset privata huic satisfacere nitens consistorium facultati licentiam impertit alium ad interim donec ipse satisfecerit eligendi conclusit facultas taliter esse respondendum vim argumenti non eo esse directam ut alium facultas loco clarissimi viri intrudere vellet sed ut consistorium magis moveretur ne excellentiss. vir tamdiu debito suo loco privaretur.