Universitätsarchiv Wien, UAW Cod. Med 1.5 AFM 1605-1676
[10. September 1629] II. congregatio 10. Septembris. Casparus Septalius iturus in Italiam petiit testimonia. Consensit facultas.
Supplicavit Adamus Hilleprandt phil. et med. dr. Patavii in Italia legitime promotus pro admissione ad repetitionem. Assignatus est ipsi sorte aph. 14 sect. I. Coeptae et fuerunt annuae visitationes officinarum pharmaceuticarum die 22. Septembris ad cancrum rubrum satis instructum die 24. ad ursum nigrum optime in compositionibus constitutum die 25. ad leonem aureum congruenter die 26. ad coeruleam officinam satis bene provisam die 27. ad elephantis officinam instructissimam et copiosam die 28. ad gryphem aureum satis provisum die 1. Octobris ad auream coronam mundam et ordinatam die 2. aethiopem bene provisum die 4. ad aureum cervum ubi omnia bene praeparata et copiosa videre licuit. [fol. 145v]
Prodest etenim non mediocriter annua ista visitatio ut pharmacopoei sua repurgent medicamenta et renovent et quibus opus est nova praeparent praesentibus praesertim duobus eorum senioribus de more ut unus alterum aemulatione quadam exacuat et stimulet.
- Acta Facultatis Medicae Universitatis Vindobonensis Vol. 5, Leopold Senfelder, 1910
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
