[17. Februar 1632] II. congregatio 17. Februarii. Produxi libellum supplicem

balneatoris Alberti Fründer chirurgi hospitalis Viennensis quo petiit examinari.

Consensit facultas ubi a consule ac senatu Viennensi certitudinem serviti religionis

catholicae una cum commendatione attulerit. Decretum fuit illum non esse nec

ullum inposterum sine depositione pretii ordinarii examinandum. [fol. 150v]

A rectore transmissus fuit über quidam Joannis Francisci Arquati med. dr. et

medici provincialis ducatus Styriae pro informatione et voto facultatis an über Nie

typis quod author petebat mandari possit. Verum cum praefatus libellus de thermis

et fontibus medicatis in Styria scaturientibus compilatus esset nec ullum aliud

testimonium praeter solam sui ipsius autoritatem annexam haberet facultas de

materia ista quae maxima ex parte sola nititur experientia nihil statuere voluit sed

libellum cum excusatione rectori remisit.

D. Matthaeus Müller cum produxisset problema quoddam promotionis D. D. Rager

quem Tübingae doctorem creaverat et testimonium scriptum D. Wittenbach

jurisconsulti admissus est. Sorte obtigit aph. 9 sect 3.

Quia autem eodem tempore se a serenissimo electore Bavaro ad medica servitia

vocatum diceret petit terminum et locum reservandum in facultate quod facultas

concessit.

III. congregatio 5. Martii. Rector et consistorium decretum facultati transmisit quo

requisivit ut facultas informaretur an patres societatis Jesu aliquid ex reditibus

bursarum possiderent. Responsum patres societatis Jesu solas habitationes

bursistarum possidere, posse autem hac super re melius informare facultatem

philosophicam.

Institit de novo D. Arquatus apud facultatem ob licentiam imprimendi librum suum

verum facultas prioribus insistens rationibus quamvis princeps ab Eggenberg

intercessione sua intervenerat libellum repudiavit. Intuitu tamen principis rectori

pro responso dedit si dominus magnificus propria autoritate licentiam impertire velit

non obstare facultatem ita tamen ut nulla nec approbationis nec censurae

facultatis fieret mentio et ita libellus dictus impressus fuit. [fol. 151r]