[19. Februar 1636] I. congregatio 19. Februarii. Praelectus fuit supplex libellus Michaelis Anselmi Retzer med. dr. petentis sibi assignari punctum ad actum repetitionis.

Secundo productus fuit libellus accusatorius Joannis Rath sartoris cujusdam contra Michaelem Pradtfüscher circumforaneum quo Rath gravissime conquestus est quod a dicto Pradtfüscher non ipse solum verum quam plurimi alii gravissime decepti essent lapide, quodam quem pro bezoardico ipsi vendiderat. Sed quia Pradtfischer nostri fori non esset visum est supplicanti ita respondendum:

Weil der Beklagte der Universitet Jurisdiction nit underworffen ist, also khann hirinnen ihme Clager von der Löbl. Facultet kein Ausrichtung geschehen, Sonsten den Stein anlangend wird derselbig für ein falsch und betrügliche Arzney von gesambter Facultet gehalten.

Tertio cum libellus suae majestati contra Raigerum exhibitus ipsi Raigero contra omnem juris ordinem pro informatione ab excelso regimine fuit transmissus et

credibile esset dictum Raigerum non facile contra semetipsum informaturum ideo

consului doctores quid in hoc casu esset faciendum. Conclusum ut nova

conficiatur contra Raigerum accusatio et per reverendiss. episcopum Viennensem

sacrae caesareae majestati praesentetur.

II. congregatio. Cum scriptum D. cujus jam feci mentionem factum esset illud judicavi

antequam episcopo traderem membris facultatis perlegendum ut ex eo resecarent

superflua et necessaria probent ideo ad 23. Februarii doctores denuo in meis

aedibus convenire rogavi. [fol. 164r]

Primo scriptum ad caesaream majestatem praelegi quod omnibus placuit simulque

cum Raiger palam ubique diceret amotionem suae personae non ab omnibus

doctoribus sed saltem ab uno vel altero urgeri, ideo pro majori certioreque fide ab

omnibus propriis chirographis subscribendum esse duxerunt omnes necesarium

quod et factum est.

Deinde quaestio a me mota est quid cum Rorero catholicum se simulante sit

incipiendum. Convenerunt collegae eum rectori et consistorio esse denunciandum

quod et factum est.

Tertio lectum est decretum consistorii quo mandabatur ut loco D. Olitorii ob

hemiplegiam ad munia subeunda inutilis redditi aliud idoneum subjectum pro

seniore in consistoriis eligamus. Conclusum est, ut D. Rechperger ad hoc scripto

requiratur et cum se petitioni nostrae accomodaret et ipsum consistorio

praesentavi.