[14. Juni 1638] III. congregatio 14. Junii. Silentio praeterire non possum factum

egregium cujusdam juvenis quondam hic jur. utr. stud. Is ante aliquot septimanas

in suburbio ob commissum homicidium captus et judici civitatis traditus est a quo

cum ob defectum inscriptionis ab universitate nullam haberet assistentiam tandem

ad publicum sceleratorum carcerem vulgo Ampthshauss103 dictum tanquam

capitalis supplicii reus vinctis manibus ducitur et flagitio commisso examinato

capite damnatur propediem amputando. Interea quia capillitium habuit longius inter

reliquos captivos sine vinculis e carcere emittitur, capili abscindendi gratia in parvam

quae ibi est aream. Ubi dum esset et januam prope conspiceret bene tamen

clausam versus plateam, subito stratagema se liberandi incidit.

Simulavit enim se sat hilarem, praemittens ad tondendum socios pecuniamque pro

ferendo vino dedit puellae cuidam custodis incarceratorum filiae quae

promptissima ex praesentis matris satis ut fertur bibulae jussu ivit serata

diligentissimo janua. Nie vero in puellae absentia sedulo attendit ad reditum et dum

eam adesse adverteret claustro soluto improviso vehementique impetu e manibus

puellae eripuit januam atque per medios carnifices ante fores in platea sedentes

erupit evasit asylum in templo patrum Franciscanorum strictioris observantiae

quaerens relicto in carcere pileo quem hodiernum diem non repetiit. Certe etsi

quomodo alias suas pecunias exposuerit ignorem tamen certus sum eum nullam

unquam utilius exposuisse quam hanc qua vitam redemit. Sed venio ad

congregationem.

D. Retzer petiit admitti ad nostra consilia. Sessionem habere non potuit ob

defectum professionis fidei nondum praestitae.

Lectum est decretum regiminis petentis informationem utrum farina aliquot milliaribus

hinc penes pagum quendam Ringlstorff104 vulgo dictum inventa vera farina sit et ab

incolis sine noxa in usum panis adhiberi possit.

Responsum est farinam illam farinam minime esse [fol. 174r] sed quoddam solis

calore elaboratius sabulum inutile penitus ad corpus nutriendum quamvis pro

medicina adhiberi posse non sit incredibile.

Cum chirurgi civici in suis noviter confirmatis privilegiis habeant ut sub mulcta 12

imperialium in festo corporis Christi decanum comitentur illud vero hoc anno

intermiserint interrogatum fuit an sint puniendi.

Responderunt omnes aequum esse ipsos punire ne legem hanc quam ipsi sibi

imposuerunt omnino contemnant.

Thomae Hatzoldi phil. et med. dr. petentis admitti ad actum repetitionis supplicatio

exaudita est similiter Mag. Bernhardo Schlittero et Georgio Adolpho Doringio med.

bacc. gratiose concessum est, ut pro licentia rigorosum examen subeundi theses

oblatas publice defendant.

Caeterum duo decreta caesarea unum ad supremum aulae marescalcum alterum

ad excelsum regimen obtuli.

Excelso regimini cum supplici libello rogans nomine facultatis pro mandatis ad civitates et oppida ut iis quatenus nobis pareant quam severissime injungatur ad haec talo obtinuimus responsum: