[9. Oktober 1638] VI. congregatio 9. Octobris. Pisani iterum terrninus comparendi

coram facultate ad hunc diem assignatus fuit qui tamen pridie cum suo Berchtoldo

discesserat.

Vocari feci dominum Praditsh pharmacopoeum ad angelum album Pisano

medicamenta quae aliorum nemo legere poterat ob pessimum characterem

praeparantem atque ipsi hoc severissime exprobratum simulque prohibitum fuit, ne

ilud amplius faciat sub fide nostro collegio praestita quod promisit.

Deinde quia ad decreta nostra 5. hujus ad doctores extra facultatem sub praetextu

privilegii aulici praxin exercentes missa tantum effectum est, ut dominus Puchau ad

me veniret concessionem privilegii monstrans simul et Joannes Maria Tronus Italus

rogans, si sub nostra protectione vivere posset se ab aula privilegium amplius non

petiturum exorando a me consilium impetrandi a facultate hoc beneficium. Cui

suasi ut supplicet.

D. Rorer vero et Perasius lithotomus cum spretis nostris decretis emanserint quid

cum ipsis faciendum cupivi informari. Conclusum est Rorerum denuo citandum

alteri vero imponendum ut monstret privilegium.

Motum est etiam quomodo fundatio Geisleriana pro pauperibus studiosis cogi

possit ad executionem. Visum est fieri posse per commissarium rem apud

consistorium serio urgentem cui tamen ad placitum justo stipendio conducendus

advocatus ei in promovendo negotio fideliter assistens. Electus est D. Mannagetta.

[fol. 177r]

Praeterea cum ad minimum 6 vel 7 in hac urbe anabaptistae essent chirurgiam

exercentes supplicavi excelso regimini dignetur consilio justitiae serio praecipere

ut publica proclamatione anabaptistas omnes cum similis furfuris hominibus quales

sunt omnes circumforanei ex urbe proscribant.

Ad libelum hunc post longam molestamque sollicitationem hanc demum extorsi

sententiam: