[7. Dezember 1638] Acta decanatus III. Leonhardi Mylgiesseri phil. et med. dr. etc. electi 7. Decembris 1638 sub rectoratu domini David Gregorii Corneri¹¹⁰ abbatis Göttwicensis theol. dr. viri pietate et doctrina nulli secundi electi 20. Novembris 1638.

Cum supplex libelus senatus Viennensis excelso regimini pro magistro sanitatis supplicantis ab illo decretus ad nos pro informatione et voto devenerit simulque D. Wolffgangus Höfferus colegio nostro proxime incorporandus pro conditione ila instaret nolui rem differre sed libelos colegis pro voto transmisi. Quod vero cum reminisceretur promissionis jam fere ab anno de eadem conditione domino Schlittere juveni literato et in medicina brevi doctorando factae eam ob causam verbum semel datum revocare noluit statuitque domino Höffero cathegoricum responsum non dandum sed oretenus dicendum nos magisterium sanitatis cum pro eo nulurn certo in loco assignatum habeamus stipendium nuli hoc tempore conferre posse nisi habita prius ab excelso regimine declaratione salari certo solvendi. Consistorium rogavimus velit eo dirigere suam informationem ad regimen ut dignetur pro

persona sanitatis magisterium administrante quae metu contagi pestilentialis ad alios patientes non facile vocatur tam habitationis quam sustentationis media assignare ne constitutus a nobis susceptam conditionem cum maximo suo damno et nostro exiguo respectu cogatur deserere alias nobis non deesse subjecta [fol. 179v] huic officio digna dummodo digna non defuerit merces.

Responso etiamnum caremus et officium hoc toti reipublicae maxime necessarium adhuc vacat forsan nemini tam facile conferendum.

Interea venit bulla a summo pontifice Urbano VIII. Ratam confirmatamque habens electionem serenissimi archiducis Leopoldi Wilhelmi in episcopum Olomucensern cujus praesentiam cum capitulares summe desiderarent dum ut possessionem caperet dum ut quaedam ad bonam disciplinam oeconomiamque necessaria in meliorem statum redigeret. Statim se altero die serenissimus illac contulit cum quo quia mihi servitii ratione eundum erat hinc ne quid me absente negligi posset D. Mannagettae omnia ad decanatum pertinentia ut meas vices suppleat commendavi.