[11. Jänner 1642] I. congregatio 11. Januari. Mag. Pröl med. bacc. supplicat et impetrat stipendium Emericanum alterum Mag. Wenceslaus Mayr. Pro tertio supplicavit Mag. Pfeffer sed quia nulum vacabat promissum est ipsi proximum. Remissus est libelus ad facultatem a consilio imperiali aulico cujusdam Svevi, qui se chirurgum venditabat sed quia homo rudis erat et examinari non poterat solum autem superstitiosas quasdam herbas vulneribus applicandas proferebat sic cum informatione tali homine digna ad idem consilium imperiale remissus fuit. Pharmacopoei vehementer instant pro suis tandem aliquando privilegis confirmandis et quia animadversum fuit in his quibus jam diu caruerant disponendis et in ordinem redigendis magnum reperi laborem et diligentiam sic deligati commissari doctores Golner, Juncker, Magirus et Mielgiesser qui saepe convenerunt tandemque post longas deliberationes in eam formam quam facultati legendam tradiderant consentientibus etiam pharmacopoeis redegerunt.

Interea Judaeus quidam doctor dominum Senglerum consiliarium excelsi regiminis et jur. dr. hydropicum curandum susceperat sed quia ipsi decretum miseram sic visitare patientem ipse renuit donec hic apud caesarem pro hac curatione institisset [fol.

¹¹⁶ Fol. 194v ist leer.

195v] et decretum reducendi Judaeum impetrasset. Ego nihilominus quantum potui nebulonem Hebraeum impedivi factoque per aliquot doctores consilio cum D. Magiro curam suscepi.

Praesentatus est per seniores balneatores quidam chirurgus Joannes Philippus Haller ut pro curandis aegrotis apud S. Marcum examinaretur quod factum est.