[31. Dezember 1642] I. congregatio Ultimo Decembris. Praelectum est decretum a rectore et consistorio quo intimatum ut facultates majores in suis promotionibus publicis imposterum honestiores chirothecas quam hactenus factum dominis de facultate philosophica distribui procurarent ne ulteriorem hac de re conquerendi ausam haberent. Secundo Elisabetha Haidin jam per 20 annos in territorio Viennensi obstetrix famosa qui cum obstetricandi artem aliquantisper cum laude Viennae exercuisset et illustrioribus foeminis innotuisset ab aliis hic obstetricibus persecuta suisque instrumentis ad hanc artem necessaris in publicis plateis privata ita ut hoc negotium devenerit ad judicem civitatis. Haec vero bona mulier cum a duabus nobilioribus et virtuosis matronis quas alias in hac arte juratas nominare solent quoad experientiam et scientiam fuisset recommendata nostrae facultatis auxilium impetravit et in hac functione examinari petiit. Unde ad ampliandam nostram jurisdictionem unanimi consensu conclusum est ut quam primum examinaretur quare 19. Januarii in praesentia doctorum Colmanni Joannis Caspari Krafft, Joannis Guilielmi Mannagettae et Petri Magiri in omnibus casibus qui mulieri gravidae ante partum in partu et post partum contingere possunt examinata fuit quae ad omnes etiam difficiles quaestiones cum magna prudentia et discretione respondit ita ut in hac arte expertissima obstetrix fuerit judicata et approbata. Praestitit juramentum debitum cujus forma in libello juramentorum scripta accepit testimonium sub majori sigilo. [fol. 199v] Hic sane notandum quod ab origine facultatis Viennensis non constet unicam aliquando obstetricem fuisse examinatam. Sed sequentur plures. Eadem congregatione Mag. Michael Tölmann obtinuit licentiam disputandi exerciti gratia.

Propositum D. Matthaeum Claus in aedibus dominae Speppergerin viduae in Kolmarck sitis omnes doctores de facultate medica excepto unico contempsisse verbis injuriosis et ignominosis afflixisse quod praeter alios etiam audiverant domini doctores de facultate juridica Matthias Lampp et Joannes Hartmann quod etiam

¹¹⁸ Fol. 198v ist leer.

scripto attestati sunt. Hoc testimonium eum in plena congregatione legissem D. Claus vero absens cum fuisset conclusum fuit ut eundem ad me citarem quod factum 3. Januarii. Cum vero injurias a se fuisse illatas D. Claus mordicus negaret protestando etiam hanc rem non posse in facultate decidi sed pertinere ad rectorem et consistorium ad quod appellabat sic facultas eo rem detulit et jur. dr. Matthaeum Günther hujus causae patronum et advocatum requisivit qui hactenus haud magna cum diligentia egit et adhuc agit. Interim D. Claus ab omnibus conventibus et actibus publicis suspensus et tam diu separatus usque dum rector et consistorium justam in hac causa tulerit sententiam.