[23. Oktober 1608] XXIII. Octobris. Joannes Bellagius natione Italus me accessit

utque nomine facultatis quo sibi ligaturas pro herniosis aquam dealbentem dentes,

oleum conglutinans vulnera et emplastrum veruccas eradicans in foro publico

divendendi licentia daretur apud consulem civium scripto intercederem petit.

Proposui petitionem hanc facultati; pluralitas autem votorum ut A. eam tamquam

pharmacopoeis et chirurgis Viennensibus praejudicaturam minime aequam conclusit.

Post auspicatissimum serenissimi regis reditum deposito jam vicerectoratu X.

Decembris congregationem facultatis institui benevole comparentibus dominis

doctoribus duo deliberanda proposui.

Primo cum negotium privilegiorum confirmationem concernens detineretur adhuc in

aula quid circa ilud agendum videretur.

Dein quia relatio B. in causa Pythopoei ab excelso regimine requisita nondum

esset exhibita num illa rectori magnifico atque per eum excelso regimini offerri

debent an vero prius privilegiorum confirmatio impetranda foret siquidem certo

constaret Pithopoeum aliquorum in aula magnatum favore juvari. [fol. 25v]

Circa primum conclusum fuit cum totius negotii cardo in excelsi regiminis

informatione regiae majestati exhibita consistat ut qualis ea sit num etiam facultatis

negotium promoveat pro posse exquirerem et si quid cognossem facultati denuo

deliberandum proponerem. Circa alterum pariter ut donec confirmatio privilegiorum

esset impetrata quiescerem conclusum fuit.

Insuper proposui facultati libelum Jeremiae Golneri C. ante aliquot annos facultatis

nostrae alumni nunc autem Parisiis degentis quo sibi testimonium vitae apud nos

transactae dari petiit. Assensit facultas eique testimonium facultatis sigilo munitum

dedi.

Tandem clariss. vir D. D. Rechperger duorum decanatuum suorum acta legit quae

unanimi dominorum doctorum consensu approbata fuere.