Current repository:
Universitätsarchiv Wien, UAW Cod. Med 1.5 AFM 1605-1676
[25. April 1648] III. congregatio 25. Aprilis. Lectus fuit libelus supplex Petri Pauli
Sedlmayr artis pharmaceuticae discipuli qui apud pharmacopolam aulicum
Empacher prius per triennium in disciplinis fuit et discedente magistro denuo
dominae Tilloin per triennium pro discipulo se obligavit quod tempus ob diram et
austeram dominae tractationem se minime absolvere posse dicit ac proinde cum
domina eidem absolutae disciplinae testimonium dare non velit facultatem rogat
quatenus sibi ex nobili officio testimonium elargiri dignetur.
Hic libellus transmissus fuit dominae Tilloin quae tandem ad interpositionem
facultatis supplicantis petitioni annuit.
Supplicavit Jacobus Geber Mariani lithotomi discipulus et accusavit magistrum ob
denegatum peractae disciplinae testimonium. Pro informatione libellus Mariano
transmissus est.
Supplicavit Mag. Joannes Georgius Wideman med. stud. pro vacante [fol. 231 r]
stipendio mag. Kniel aulae caesareae musici. Cum autem collatio non dependeret
a facultate remissus est ad rectorem et consistorium.
D. Lossaeus accepit sessionem in facultate.
- Acta Facultatis Medicae Universitatis Vindobonensis Vol. 5, Leopold Senfelder, 1910
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
