[12. Mai 1648] IV. congregatio 12. Maii. Regimen petiit a facultate informationem

an febres hoc tempore grassantes pro venenosis et maculae in iis apparentes pro

pestiforis censendae sint? Respondit facultas febros et maculas nullo modo esse

pesti annumerandas sed solum febribus malignis et quotannis grassari solitis

adscribendas. Quia tamen regimen ex relatione unius vel alterius absentis intellexit

negotium in pleno non fuisse tractatum ideo 31. Maii per aliud decretum mandavit

ut denuo omnes convocarentur quod factum.

Conclusum quod in priori nimirum praesentes febrea cum exanthematibus

grassantes non esse veram pestem dicendam.

D. Guilielmus Rechperger senior qui ob ardua negotia non comparuit sed facultati

scripto votum suum transmisit quod ita se habet:

Spectabilis domine decane nobilis et excellentissime domine doctor et collega

plurimum observande!

Quod ad congregationem hodie vocatus non compaream sua majestas caesarea

me excusat; hora enim prima pomeridiana febri laborare incipiens me secum

detinet interea tamen ad decretum excelsi regiminis suae spectabili dominationi

hoc votum scriptum dare volui.

Morbum qui nunc in civitate grassari incipit esse pestem nemo facile negare poterit

eum enim talem esse et characteres et brevitas temporis quo durat et symptomata

demonstrant.

Petechiae nigrae tametsi non ad pestem sed ad febrim malignam proprie

referantur tamen quia putredinem seu corruptelam majorem habent ex qua

nascuntur quam pestis citiusque et majori cum impetu vitam abrumpunt quam

pestis ideo pesti merito sunt annumerandae eodemque modo quo peste infecti

tractandi aedes ubi sunt aut fuerunt occludendae ad lazarethum mittendi etc. et

omnia medicamenta tam [fol. 231 v] praesertiva quam curativa quae impestatis dari

solent etiam ipsis statim a principio applicanda. Verum quidem sit quamdiu ego

recordor pestem hic Viennae mense majo incepisse a 66 annis ego nunquam

memini. Tuae spectabilis dominationis observandissimus D. Guilielmus

Rechperger.

Hoc scripto dominus senior toti facultati contradixit interea tamen eventus dein

aliud demonstravit et Deus optimus maximus nos clementer integro hoc anno a

dira lue praeservavit.