Universitätsarchiv Wien, UAW Cod. Med 1.5 AFM 1605-1676
[17. Oktober 1650] 17. Octobris ad examen admissus est Nicolaus Masman chirurgus; in praesenti fidei caruit nativitatis et disciplinae documentis quae tamen intra quarti mensis terminum se exhibiturum promisit datis ad id fidejussoribus Friederico Müler pharmacopeo ad aureum cervum et Cajo Bauman chirurgo. Catharina Kreutterin Claustroneuburgensis ibidem Eliae Kreutteri uxor ab officiali Passaviensi ad facultatem transmissa comparuit. Hanc maritus apud consistorium Passaviense adeo clausam et in organis generationis arctam asseruit ut elapsis tribus matrimonii annis eam cognoscere non valuerit et nisi divortium fieret periculum esse ne adulterium committere cogatur ideoque petiit ut facto divortio daretur sibi publicum instrumentum cujus vigore quivis parochus illum cum alia
copulare possit.
Cum utraque pars peteret inspectionem tali decreto ad facultatem est remissa:
- Acta Facultatis Medicae Universitatis Vindobonensis Vol. 5, Leopold Senfelder, 1910
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
