[8. Jänner 1656] I. congregatio 8. Januari. Franciscus Hileprandt Passaviensis Bononiae

in Italia promotus med. dr. supplicavit per repetitionis actum admitti ad nostrum

gremium. Annuit facultas.

Joannes Baptista Michl med. dr. similiter petiit sed remissus est ad aliam

congregationem.

Retuli quod in consistorio a rectore et superintendente caesareo electio

dominorum medicinae professorum videlicet D. Retzer et D. Schlüter fuisset in

controversiam ducta scilicet quod illa electio fuisset facta in absentia

superintendentis. Et licet D. Mannagetta resignasset hanc tamen resignationem

non fuisse in pleno consistorio acceptatam. Sic per quatuor commissarios videlicet

per P. Avancinum, D. Hartman, D. Schlütter et D. a Scholzen fuit requisitus ut

professuram medicinae practicae primariam continuare et ob summam rerum

academicarum et rerum senioris facultatis medicae in consistorio perseverare vellet

quod etiam promisit. Reliqui vero duo nimirum D. Retzer et D. Schlütter per nova

decreta confirmati, ita tamen ut D. Retzer habeat titulum professoris medicinae

practicae primarii ordinarii Mannagetta vero primarii supraordinarii D. Schlütter

autem professoris medicinae theoricae primarii titulo gauderet.

Eodem die tradidit D. Mannagetta litteras obligatorias 400 flor. qui ex fundatione D.

Geisler piae memoriae supra domum D. Bonani in vico ducali situm ad censum

perpetuum sunt elocati.

Tarquinius Roma Neapolitanus agyrta ad probandam quandam antidotum volebat

vorare bufones. Sed cum jam semel in praesentia D. Släber devorasset unam

bufonem i. e. partem dissectam absque intestinis illamque cum vino generoso

exhausisset nolulmus huic actui considere.

Michael Schopper militiae urbis chirurgus oder Feldscherer deposuerat pelves

publice in foro. Cum hoc esset contra privilegia chirurgorum civilium sic a me

accusatus apud principem Gonzagam141 supremum urbis colonellum qui statim

eosdem deponi jussit.