[2. April 1658] Sub meo rectoratu 2. Aprilis mane uno quadrante post quartam mortuus est augustissimus caesar Ferdinandus III. quadragesimum nonum aetatis agens annum pro quo universitas Viennensis 8. Juni 1657 in sacris aedibus D. Stephani mane hora 8 sub pulsu campanae majoris celebravit exequias. Primo in cathedra ordinaria summi templi orationem funebrem tam doctam quam elegantem dixit rev. P. Nicolaus Avancinus soc Jesu theol. dr. et facultatis ejusdem prodecanus quam peroravit felicissime per duas horas in maximo consessu qualis forte nulus a primordis universitatis fuit visus. Academici sedebant in scamnis altioribus quae erant posita a secunda columna templi supra concionem usque iterum ad alteram columnam infra concionem ad dextram et sinistram et e regione claudebatur spatium in signa quadrata in medio spatii ultra 100 sellae positae quarum priores tres in conspectu oratoris occuparunt nuntius apostolicus legatus Hispanicus et orator Venetus qui cum summa admiratione simul ac animi jucunditate audiebant oratorem. Finita oratione per notarium universitatis tribus legatis oblata est oratio impressa et in libello holoserico nigro compacta reliquis autem dominis distribuebant domini studiosi. Postmodum rector cum cancellario universitatis et quatuor decanis reliquisque academicis praecedente pedello cum sceptro contulerunt se ad chorum templi ad sacrum missae officium audiendum quod celebravit dom cancelarius universitatis D. Stephanus Zvvirschlag cui usque ad finem interfuerunt praedicti domini legati tres.

Fol. 285v ist leer.

145

¹⁴⁶ Josef I. Edler von Kupferschein 1653-1669.

Erectum fuit pulchrum castrum doloris altare panno lugubri obductum rector et omnes academici iverant ad offertorium et hunc actum volui insinuare quia memoria dignus. [fol. 286v]