[14. Juni 1660] V. congregatio 14. Juni. Undecima die Friedericus Steugens provisor art. pharm. rev. dom. Claustroneuburgensis supplicavit examinari pro magistro artis ob coemptam officinam in Baaden. Annuit facultas. [fol. 299v] Secundo supplicavit dom. D. Niderbichler medicus Crembsensis contra Morell pharmacopoeum ibidem propter illatas injurias. Conclusit facultas ut ambo Viennam citarentur 6. Augusti. Comparuit ad terminum praefixum praedictus dom doctor pharmacopoeus vero emansit.

In hac congregatione omnes pharmacopoei praeter album angelum cum advocato dom. D. Zwick comparuerunt ob Ferdinandum Hössing pharmacopoeum et rev. patres societatis maxime autem ob ilud famosum scriptum ab Abrahamo Jung pharmacopoeo domus professae contra illos porrectum in quo laudes pharmacopoeorum Viennensium ad amussim de praedicatae petentes duos commissarios ab inclyta facultate.

Deputati dom duo commissarii D. Christianus Rechperger et D. Franciscus Ganser qui una cum dom. Friederico Müller et Paulo Saur pharmcopoeis rev. patrem praepositum accedant interrogantes an denominatus Abrahamus Jung propria authoritate hoc scriptum contra pharmacopoeos Viennenses vel cum praescitu superiorum fecerit. Secundo cassentur rev. patribus societatis patientes et praxis. Tertio non suscipiant amplius saeculares socios ad pacem conservandam.