[4. Februar 1662] II. congregatio 4. Februari. Primo D. Raidt medicus provincialis

Crembsii collega noster petit attestationem curae methodicae ad regimen contra

Wernerum Crembsii habitantem. Fuit ipsi exhibita lectis remediorum formulis a D.

Joanne Guilielmo Mannagetta et D. Wechtlero sub praedictorum sigillo et

subscriptione.

Secundo Joannes Casparus Pichelmayr chir. stud. in Baden vult exercere chirurgiam

contra quem protestantur chirurgus et balneator ibi habitantes. Respondebat

facultas petitum hoc non habere locum. [fol. 306r]

Tertio D. Latomus medicus Graecensis se insinuat quod velit ad facultatem repetere.

Consentit facultas.

Quarto stipendium 1100 flor. D. Andreae Perlachii pro facultate medica fundatum

per errorem possidet juridica facultas. Ideo fuit couclusum ut per supplicem libelum

ad consistorium nobis restituatur quod in actum redegi sed pro tempore nihil obtinui.

Quinto super stipendium Bittnerianum superintendentes designati D. Rödel et

Moquentin.

Sexto Walpurgis Wagnerin obstetrix petit licentiam sororem propriam Magdalenam

Baumgarttnerin instruendi mortua Anna Heyssin ejus magistra et ut apud illam

annos disciplinae absolvere possit quod fuit concessum.

Septimo Barbara Langin obstetrix cum sit gravida desiderat coadjutricem quam

vult informare ut extra urbem obstetricem agere possit. Fiat.