[5. Dezember 1683] VI congregatio 5. Decembris. Conclusum fuit, ut sententiae 26. Junii contra balneatorem ad S. Dorotheam refractarium latae inhaereatur et omnibus modis ad respectum et obedientiam compelleretur, ne plures ejusmodi exemplo ducti eum sequantur, quod sequenti domino decano perficiendum committitur.

Pedellus, cum intellexisset, quod quidam ex pharmacopoeis dum pharmacopolia ipsorum visitantur loco consuetae collationis dom. visitatoribus certam aliquam discretionem pro laboribus dare soleant, suam quoque portionem ab iisdem postulat, sub titulo jurium, ut ille dicit, quod ad similes visitationes dom. medicos convocare debeat. Cui responsum fuit, quod cum annuum suum salarium a facultate habeat, pro similibus etiam convocationibus ex officio peragendis pharmacopoei ratione hujus de jure nihil ei debeant.

Joannes Franciscus Xaverius Wienheimb med. dr. supplicat pro sessione et obtinuit. [fol. 43v]

Accepta: Ab antecessore 384 flor. 39 cruc. Interesse de 1100 flor. 60 flor., a pedello 50 flor., ab eodem interesse 3 flor., pro inscriptione 2 obstetricum 3 flor., pro examine 3 obstetricum 7 flor. 30 cruc., pro examine 2 chirurgorum 6 flor., apothecarii 3 flor., lithotomi 3 flor., inspectoris mortuorum 1 flor. 30 cruc., pro actu repetitionis et sessionis D. Wienheimb 9 flor. Summa: 530 flor. 39 cruc. [fol. 44r]

Expensa: Pro saccharatis 45 flor., pro vino hispanico 15 flor., pro pane albo 4 flor., capellae magistro pro musica 13 flor., curatis 1 flor. 30 cruc., pedello salarium 9 flor., eidem pro utensilibus 4 flor. 44 cruc., advocato pro scriptis et memorialibus 9 flor. Summa: 98 flor. 14 cruc. Remanent: 432 flor. 25 cruc. Successori tradidi: 434 flor. 39 cruc. Restarent mihi 2 flor.5

Ora et labora. Joannes Jacobus Stumpf dr. [fol. 45r]

[1683/ 84]

Acta decanatus I. Caroli Festa phil. et med. dr., electi 5. Decembris 1683.