Universitätsarchiv Wien, UAW Cod. Med 1.7 AFM 1677-1709
[12. Juni 1684] IV. congregatio 12. Junii. Pedellus nos invitat supplici libello ad nuptias suas; facultas pro gratiali ipsi assignat 6 imper.
Cum mortuus fuerit D. Monquentin, vacavit superintendentia stipendii Bittneriani, in cujus locum electus est D. Bokh. [fol. 50r]
Balneator Schlinskhi se sistit facultati et deprecatur inobedientiam et ignominiam illatam, rogatque, ut ipsi dimittatur mulcta eo quod pauper sit, quod impetravit.
Bänkhel denuo supplicat pro stipendio et impetrat.
Logi responsum contra dominos magistratus civici in puncto inventurae pharmacopoearum et placuit facultati et D. Sorbeith adhuc propria manu multa adjunxit fuitque traditum regimini.
Cum aliqui volebant, ut ex improviso visitarem pharmacopoeas, proposui facultati, quandonam debeam instituere visitationes et quomodo. Conclusum, ut more solito fiant. [fol. 50v]
- Acta Facultatis Medicae Universitatis Vindobonensis Vol. 6, Leopold Senfelder, 1912
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
