[23. November 1690] Die 23. Novembris in basilica S. Stephani cum consuetis ceremoniis et solenni ritu promoti sunt Joannes Nicolaus Eichhorn Silesius Bilicensis [fol. 86r] ad Nissam et Joannes Conradus Döhler Franco Hammelburgensis ad Salam.

Casparus Löhr balneator et inspector mortuorum supplicaverat magistratui civico Viennensi pro officio chirurgi ad S. Marcum. Praesentatus est a Joanne Ferdinando Sing et Christophoro Säler balneatoribus et bene respondit.

Ultima congregatio 4. Decembris. Proposui decretum a consisterio ad facultatem concernens aquam de Nocera, ut nimirum facultas constituat commissarium, qui habeat inspectionem hujus aquae, ne conductor ejusdem fraudem committat.

Respondit facultas, omnino constituendum fore commissarium, hac tamen conditione, ut certum aliquod solarium annuum pro labore ipsi decernatur.

D. Joannes Nicolaus Eichhorn et Joannes Conradus Döhler [fol. 86v] rogarunt sessionem et obtinuerunt Joannes Casparus Traut Moguntinus med. stud. supplicavit pro materia disputandi ad gradum baccalaureatus. Annuit facultas.

Accepta: A successore 641 flor. 51 cruc., a provisoro ad auream coronam 60 flor., ex variis mulctis 33 flor., jura repetentium 18 flor., pro sessione 12 flor., pro examine: 3 apothecariorum 9 flor., 3 chirurgorum 9 flor., aliquot balneatorum 12 flor., unius lithotomi 3 flor., 3 obstetricum 9 flor., duorum doctorandorum 3 flor., pro eorum sessione 6 flor. Summa: 815 flor. 51 cruc. [fol. 87r]

Exposita: Mercatori pro nigro holoserico ad novam togam pro decano 79 flor., sartori pro conficienda hac toga cum appertinentiis, pro resarcienda toga pedelli, novo pireto pro eodem cum omnibus appertinentiis 12 flor., pro vino hispanico 8 flor., pro pane biscocto 6 flor., pro pane butyraceo 3 flor., pedello pro utensilibus 5 flor., pro musica 13 flor., tibicinibus et tympanistae 11 flor., curatis 1 flor. 30 cruc., ministris ecclesiae 45 cruc., pedello 9 flor., aurifabro pro reparando et noviter deaurando sceptro facultatis 13 flor., advocato pro laboribus hujus anni 9 flor., pro tegumento sceptri 45 cruc. Summa: 171 flor. Restant: 644 flor. 51 cruc.

Solum utile, quod honestum.

Joannes Jacobus Stumpff dr. majestatis consiliarius et personae medicus. [fol. 88r]13

[1690/ 91]

Acta decanatus I. Jacobi Henrici Kielmann phil. et med. dr. collegii rationum universitatis Viennensis senioris assessoris, electi 4. Decembris 1691 sub rectoratu domini Francisci Josephi Garzarol de Garzarolshofen theol. dr.