[30. August 1691] III. congregatio 30. Augusti. Facultas requirebatur, ut votis suis subjectum aliquod pro superintendento caesareo denominarent quandoquidem prior dom. nempe Maximilianus de Sala officium hoc resignaverat. Nominati sunt D. Hoffman, D. Zwick, [fol. 91v] D. Guarient, D. Weigler, D. Florman. Et cum olim quoque et quidem inter primos doctores medici velut Cuspinianus et Lazius superintendentes caesarei extiterint etiam propositi sunt D. Plöckner et D. Stumpff. Plurima vota in dom. Hoffman regiminis consiliarium concurrebant, qui etiam postea officium illud consecutus est.

Illi 37 1/2 flor. a judaeo Oppenheimb provenientes fratribus misericordiae collati et numerati sunt, hac adjuncta requisitione, ut si vel stud. med. vel ex familia medicorum facultatis aegrotantem aliquem obtingeret in ipsorum nosocodochium assumendum esse eundem benignius recipiant et benevole curent et tractent.

Supplici pagina facultas requisita fuerat ut juniori Greisel Dris. Greisel fllio et dom. de Sorbaith ex privigno nepoti stipendium concederetur ex eadem D. Sorbaith fundatione instituta pro duobus scilicet suis agnatis tenore literarum fundationis. Annuit facultas.

Dom. Franciscus Slabius pro primae laureae examine petiit, quod facultas quidem non recusabat sed ut aliquo adhuc tempore moram haberet, innuebat.

Dom. Mair med. dr. Patavii promotus et ante hac Viennae eidem studio navans rogavit actum repetitionis et sorte elegit aphor. 10 sect. L [fol. 92r]

Notandum quod penes 371/2 flor. fratribus misericordiae facultas addiderit adhuc pro celebratione festivitatis canonizati fundatoris eorum 8. Joannis Dei 10 flor.

Maria Magdalena Wimerin discipula obstetricis Barbarae Jacomelin in suburbio admitti ad examen petiit et impetravit. Praestito quoque juramento solito a me ad dom. Episcopalis curiae magistrum ablegata fuit, ut ibidem ratione baptismi instructionem caperet, quemadmodum istud denuo facultati propositum nuper fuerat atque ab eadem desiderabatur, ut obstetrices novae ad curiae magistrum demandarentur informandae videlicet circa baptismum infantum.