[7. Dezember 1692] VI. congregatio 7. Decembris. [fol. 108r] Franciscus Ludovicus Püpier phil. et med. dr. praestitis requisitis, utpote inscriptione in album nationis Austriacae, emissa professione fidei juxta novum decretum Maximiliani II. anno 1564 fol. 54 et anno 1626 secundum bullam Urbani VIII. etc. pro sessione petiit et impetravit.

Fridericus Petrus Hartung phil. mag. et med. cand. materiam disputationis pro baccalauream erogat et ei de haemoptoisi fuit a me decreta.

Georgius Kharfus med. stud. pro stipendio Emericano petiit et obtinuit.

Anna Catharina Plöchingerin filia D. Plöchinger loimiatri olim nostri, iniens conjugium petiit pro stipendio Emericano et obtinuit 30 flor.

Ad reviviscendam gratae posteritati memoriam dom. Francisci Emerici anno 1560 pie defuncti a facultate gratiam expetii, quatenus sui celebris epitaphii e muris veteris domus Teutonicae nunc neoaedificandae eruti ad mei postulationem sumptibus aerarii fundationis reparandi moxque ad novam capellam defunctorum ad planum coemiterii forinsecus collocandi, neoerectio a facultate subscripta, sub decanatu meo una cum denominatis superintendentibus marmori ibidem insculpi queat et collegium medicum lubens annuit.

Electus est D. Wolffgangus Plöckner in rectorem.

Wolffangus Plöckner senior iubilatus sponsus.

Claret iubilatus rector Magnificus.

Accepta: Ab antecessore 641 flor. 51 cruc., a dom. Gümnick interesse 60 flor., a 4 repetentibus 24 flor., pro sessione 12 flor., ab inscriptione 4 amanuensium 6 flor., ab inscriptione studentium Viennae (olim et nunc) in matriculam studiosorum in favorem facultatis a me libere consignatos 8 flor. 54 cruc., [fol. 109r] ab examine: 3 baccalaureorum 3 flor. 15 cruc., 2 obstetricum 6 flor., oculistae 3 flor., 4 balneatorum 8 flor., odontagrici urbici 3 flor., 2 chirurgorum 6 flor., a mulcta chirurgi 1 flor., a D. Francisco Xaverio Winhaimb, de Sorbait superintendente 5 flor. Summa: 788 flor.

Exposita: Pro novo tapete facultatis 17 flor., pro scypho argenteo deaurato 61 flor. 30 cruc., pro vidimatione cum bibali 1 flor. 15 cruc., pro musica capellae magistro 15 flor., pro tubicinibus et tympanista 11 flor., curatis 1 flor. 30 cruc., aedituo 45 cruc., pro 10 sacris ex fundatione D. de Sorbaith 5 flor., pro orationis facultati nostrae dedicatae impressione 6 flor., compactura ejusdem 8 flor. 36 cruc., saccharata tum biscotta cum vino hispanico et semellis 45 flor. 15 cruc., pro utensilibus pedello 6 flor. 9 cruc., salarium 9 flor. Summa: 188 flor. Remanent 600 flor., quos ab antecessore in vilibus guldinis recepi, iterato in favorem facultatis in meliores guldinos nempe validos juxta diploma caesareum neoaffixum commutavi ac hosce una cum duplici ladula omnibus et singulis contentis juxta catalogum a me datum successori tradidi. [fol. 109v]

Memorabilia anni 1692: