[14. April 1693] Die 14. Aprilis congregatio privata propter casum aliquem funestum, qui Pragae successit domicellae de Kaiserstein, cujus ordinarius D. Voit, qui ordinando illi purgationem ex hoc pulvere: Tartari chalybeati scrup. 1, diagridii sulfuris gran. 2 semis, magisterii jalapae, pineis subactis gran. 2 semis, mercurii dulcis rite praeparati gran. 7 inisce fiat pulvis — horribilia tormina, inquietudines, convulsiones acquirendo tertia die mortua est.

Erat autem 5 annorum. Notandum autem est quod omnibus tribus domicellis similem pulvisculum ordinaverit et excepta morte reliqua symptomata parata sunt. Hoc facto a parente D. Voit criminaliter accusatus est. Iste, ut se justum monstraret, huc ad nostram facultatem appellavit et rogavit ut desuper judicaret, an haec sit causa mortis an medicamenta annosa et male praeparata. Desuper collegium non potuit aliter sentire, quam cum omnibus domicellis eundem effectum fecerit, male esse praeparata et annosa.

Superque hoc conclusum ipsi litteras testimoniales una cum sigillo et mea subscriptione mittendas jussit. Ille gratias egit et sua munera pro labore et servitio obtulit. [fol. 114v]