[19. Juni 1700] Antiquissima Viennensis facultas medica, cujus authoritas in tota Europa prae aliis floret, tum antiquissimam domum Austriacam, quam plurimos archiatros, quam clarissimorum professorum, nec non aliorum magnificorum, spectabilium excellentissimorum doctorum sapientiam neminem ad magisterii dignitatem ac summum doctoratus gradum promovere consuevit, nisi quem in disputationibus quam plurimus exercitii ac baccalaureatus gratia cum praeside, quam sine eo pro supremo licentiatus ac doctoratus gradu consequendo non solum, verum etiam quam rigorosis examinibus pro dictis gradibus summa cum laude obtinendis se gessisse agnoverit, quapropter tales condigna praeminandi mercede ac dignitatibus ut dein posteri ad hos gradus ac summos virtutis apices calidius accenderentur.

Significamus itaque omnibus ac singulis fidem facimus ac attestamur, nos in hac alma ac antiquissima universitate Viennensi pro tempore inclytae facultatis medicae decanus praenobilem ac excellentissimum dominum Joannem Henricum von Aken Clivo-Renensem peractis summa cum laude ac applausu jam ante supradictis disputationibus ac rigorosis examinibus per reverendissimum ac amplissimum dom. Joannem Baptista Mayer s. theologiae doctorem, sacrae majestatis caesareae consiliarium, decanum Kirenbergensem, [fol. 154r] cathedralis ecclesiae Viennensis praepositum, reverendissimi ac excellentissimi principis episcopi Viennensis in spiritualibus vicarium generalem nec non almae ac antiquissimae universitatis ibidem cancellarium in basileja D. Stephani protomartyris anno a partu virginis 1693 die 18. Junii horis antemeridianis sub pulsu campanae majoris ad supremam ac doctoralem lauream licentia donatum, deinde vero per praenobilem, magnificum, excellentissimum ac clarissimum dom. Carolum Festa phil. ac med. dr. inclytae facultatis medicae tunc temporis decanum spectabilem ad hunc honoris actum constitutum promotorem clarissimum suprema medicinae doctoratus laurea solemni ritu condecoratum fuisse.

Datur proinde praenobili ac excellentissimo dom. von Aken potestas, ut libere hic et ubique in toto terrarum orbe possit privatim et publice medicinam profiteri, repetere, consulere, disputare, practicare, interpretari omnibusque ac singulis uti ac gaudere privilegiis praerogativis exceptionibus, immunitatibus, honoribus gratiis ac indultis quibuscunque aliis, quibus omnes ubique locorum universitates et nostra antiquissima universitas a tot summis pontificibus augustissimisque imperatoribus absolute concessis ac sepissime confirmatis gaudent ac utuntur vel uti vel gaudere possunt ac poterunt in quorum omnium ac supradictorum fidem ac testimonium has patentes privilegii litteras manu propria subscripsimus ac sigillo facultatis nostrae consueto munimus.

Actum ac datum in loco consueto nostrae facultatis, Viennae 19. Junii 1700. [fol. 154v]