Universitätsarchiv Wien, UAW Cod. Med 1.7 AFM 1677-1709
[4. Juni 1704] I. congregatio 4. Junii 1704. Proponendum erat pharmacopolium in valle lucida sic dicto suburbio principis de Liechtenstain contra caesarea Viennensium pharmacopolarum privilegia exstructum, circa quod a facultate conclusum est ut supranominati pharmacopolii intolerabilis possessor per decretum citetur, a suo illicito exercitio dehortetur, ego autem principi de Liechtenstain hujus aedificatae pharmacopoeae statutis caesareis immediate repugnantis intolerabilitatem debita reverentia exponam. Haec praestiti, quapropter pharmacopoeus paulo post auffugit, illam pharmacopoeam inanem reliquens.
Propositum erat, commonere pharmacopolas hujus urbis, ne taxam illis ante aliquot annos praefixam typisque datam transscendant.
Conquerebatur dom. Zebriacher, quod stud. quidam med. [fol. 178r] praxim palam exerceat. Is autem paulo post ivit in Italiam.
Statutum est, ut officina Kreutzthalleriana intra 4 septimanarum spatium vendatur vel si post elapsum hunc terminum propendentes adhuc patinae tonsoriae conspicerentur, eaedem rumorum militibus confestim tollendae committantur. Officina vendita est dom. Christiane Häsele sub meo decanatu solenniter examinato et approbato.
- Acta Facultatis Medicae Universitatis Vindobonensis Vol. 6, Leopold Senfelder, 1912
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
